Markaðsfréttir fyrir vikuna 13. til 17. október 2008
HlutabréfHlutabréf (OMXI15) lækkuðu um 78,6% í vikunni. Ástæða lækkunarinnar er gjaldþrot stóru bankanna þriggja. Markaðurinn opnaði þriðjudaginn 14. október og hafði þá verið lokaður frá mánudeginum 6. október og því kom lækkunin vegna gjaldþrota bankanna fram í vikunni. Þrátt fyrir að markaðurinn sé opinn þá eru lítil viðskipti og má segja að verðmyndun einstakra félaga sé tilviljunarkennd.
SkuldabréfVerðtryggð ríkisskuldabréf lækkuðu um rúm 9% í vikunni en óverðtryggðu bréfin lækkuðu um 7,46%. Þessi mikla lækkun stafar af óeðlilegri hækkun vikunnar á undan og er í raun leiðrétting á verði bréfanna. Það eru engir viðskiptavakar lengur á ríkisskuldabréfum og því er verðmyndun þeirra ófullkomin. Vonast er til að úr rætist þegar nýju bankarnir verða komnir á betri rekspöl.
KrónanKrónan veiktist um 0,56% í vikunni skv. opinberu viðmiðunargengi SÍ og endaði gengisvísitalan í 201. Krónan sem gjaldmiðill á verulega undir högg að sækja þessa daganna. Það er ekki hægt að eiga viðskipti með hana fyrir utan landsteinanna og nú mótast gengi hennar af daglegum uppboðum í SÍ. Bankarnir eru óvirkir á gjaldeyrismarkaði og gjaldeyrisviðskiptum settar miklar hömlur. Vonast er til að það rætist úr þegar SÍ nær samningum um lán frá Alþjóða gjaldeyrissjóðnum.