Hlutabréf lækkuðu almennt í vikunni. Eimskip var eina félagið sem
hækkaði og var hækkunin 27,64%.
Straumur
leiddi hins vegar lækkunina og lækkuð bréf félagsins um 43,85%.
Bakkavör kom
þar á eftir með 24,9% lækkun. Það hefur lítið breyst á hlutabréfamarkaðinum og
ljóst að á meðan vextir eru jafn háir og raun ber vitni þá er lítill hvati
fyrir fjárfesta að fara inn á hlutabréfamarkaðinn og taka þá áhættu sem þar er.
Skuldabréf
Verðtryggð ríkisskuldabréf lækkuðu um rúm 0,1%
í vikunni en óverðtryggðu bréfin hækkuðu um 1,01%. Fjárfestar telja verðbólguálagið of
hátt þar sem búast má við lítilli verðbólgu seinni hluta ársins, að því gefnu
að krónan styrkist eða haldist í svipuðu gildum og hún er í dag. Á móti kemur
að búast má við töluverðu framboði ríkistryggðra bréfa þegar kemur fram í
febrúar og mars.Annars vegar vegna
mikillar fjárþarfar ríkisins og hins vegar er ljóst að ef ríkisbankarnir fá
sitt stofnfé í formi markaðsskuldabréfa þá þurfa þeir að losa um þá stöðu því
annars taka þeir alltof mikla markaðsáhættu.
Krónan
Krónan veiktist um 01,88% í vikunni skv.
opinberu viðmiðunargengi SÍ og endaði gengisvísitalan í 220,2126 stigum. Krónan
hefur aðeins verið að veikjast, þverrt á væntingar um hið gagnstæða. Það
virðist sem útflytjendur haldi tekjunum í erlendri mynt í stað þess að breyta
þeim í krónur. Hafa því greinilega ekki trú á því að krónan sé á leið í frekari
styrkingu.