Vikulega birta Íslensk verðbréf samantekt um þróun helstu eignaflokka undanfarna viku. Smelltu hér ef þú vilt skrá þig á listann.
Löng verðtryggð skuldabréf lækkuðu um 0,20% en millilöng verðtryggð skuldabréf hækkuðu um 0,07%. Löng óverðtryggð skuldabréf lækkuðu um 0,66% en millilöng óverðtryggð skuldabréf lækkuðu um 0,08%.
Föstudaginn 7. september fór fram, hjá Lánamálum ríkisins, útboð á RIKB 14 0314 og RIKB 22 1026. Í RIKB 14 0314 var einu tilboði tekið fyrir 4.000 m.kr. að nafnverði á 3,97% ávöxtunarkröfu. Í RIKB 22 1026 var 22 tilboðum tekið fyrir 4.370 m.kr. að nafnverði á 7,03% ávöxtunarkröfu.
Að loknu þessu útboði hafa Lánamál ríkisins selt á árinu í markflokkum ríkisbréfa fyrir um 44 milljarða króna og í RIKS 30 og RIKS 33 fyrir um 23 milljarða króna í tengslum við gjaldeyrisútboð Seðlabanka Íslands. Útgáfuáætlun ársins hljóðaði upp á 75 milljarða króna og að lágmarki 40 milljarða króna í markflokkum. Það sem eftir lifir árs verður því að hámarki gefin út ríkisbréf í markflokkum fyrir um 8 milljarða króna.
OMXI6ISK vísitalan hækkaði um 0,25% í vikunni. Bréf Regins hækkuðu mest, um 5,65% og Össurar um 0,50%. Mest lækkuðu bréf BankNordik, um 5,15%.
Eftir rólega byrjun í kjölfar útboðs hefur gengi hlutabréfa Regins hækkað töluvert síðustu vikurnar og nemur hún um 7,5% frá útboðsgengi. Fasteignasafn félagsins eru um 30 eignir og þær stærstu eru Egilshöll og Smáralindin. Hagar og Reykjavíkurborg eru stærstu einstöku leigutakar félagsins og er um 94% leigjanlegra fermetra félagsins í útleigu. Félagið keypti nú nýlega fasteignir KEA hótels við Hafnastræti á Akureyri af eignarhaldsfélaginu Krypton með fyrirvara um niðurstöðu áreiðanleikakönnunar.
Icelandair hefur vegnað vel á árinu. Félagið hefur flutt 1,4 milljón farþega það sem af er ári, en það er 14% fleiri farþegar en á sama tímabili í fyrra. Mesta fjölgun farþega er á N-Atlantshafsmarkaðinum eða um 19% og voru þeir um helmingur farþega félagsins. Frá áramótum hefur gengi hlutabréfa félagsins hækkað um 40,56%.
Félög/vísitala | Lokagildi | Vika | 1 mán | 3 mán | 6 mán | Frá áram. | 12 mán |
BNORDIK | 64,50 | -5,15% | -5,15% | -14,00% | -7,86% | -20,37% | -28,33% |
HAGA | 18,00 | 0,00% | -1,91% | -2,44% | 2,86% | 10,09% | 12,85% |
ICEAIR | 7,07 | -0,84% | 4,12% | 6,16% | 24,47% | 40,56% | 33,40% |
MARL | 138,50 | -0,36% | -3,33% | -11,25% | -4,17% | 9,96% | 15,00% |
OSSRu | 200,00 | 0,50% | -0,99% | -6,54% | 3,09% | 8,11% | 3,36% |
Reginn | 9,00 | 5,65% | 6,90% | 0,00% | 0,00% | 9,51% | 9,51% |
OMXI6ISK | 994,37 | 0,25% | -1,13% | -7,33% | 0,17% | 9,58% | 9,22% |
(Verðbreyting í viðkomandi mynt, Nasdaq OMX Nordic, 7. september 2012)
Í vikunni voru talsverðar hækkanir á erlendum hlutabréfum. Heimsvísitalan MSCI hækkaði um 2,64%, DAX í Þýskalandi um 3,5%, S&P 500 í Bandaríkjunum um 2,28% og Nikkei í Japan um 0,36%.
Framleiðsla í Kína er nú í 9 mánaða lágmarki. Minnkandi útflutningur er enn áhyggjuefni, en í Kína er annað stærsta hagkerfi heimsins. Bloomberg fréttaveitan hefur eftir forseta landsins, Hu Jintao, að minnkandi útflutningur skapi neikvæða pressu á hagkerfið og hann gefur fyrirheit um aukningu í innlendri eftirspurn til að tryggja stöðugri vöxt hagkerfisins. Skuldakreppan í Evrópu og lítill vöxtur í Bandaríkjunum koma í veg fyrir að útflutningurinn rétti almennilega úr kútnum á næstunni.
Mario Draghi, seðlabankastjóri Evrópu, kynnti nýja áætlun bankans í vikunni. Hyggst hann kaupa ótakmarkað magn ríkisskuldabréfa, með allt að þriggja ára líftíma á eftirmarkaði. Ávöxtunarkrafa ríkisskuldabréfa Spánar og Ítalíu hefur hækkað töluvert undanfarna mánuði og gert ríkjunum erfiðara fyrir með að fjármagna sig. Eftir kynninguna fóru vextir á spænskum ríkisskuldabréfum undir 6%, í fyrsta skiptið síðan í maí.
Áætlun Evrópska seðlabankans auk yfirlýsingar Ben S. Bernanke, bankastjóra Bandaríska seðlabankans um að bankinn muni áfram styðja við bandaríska hagkerfið, hafði jákvæð áhrif á S&P 500 vísitöluna. Hækkun vikunnar var 2,28% sem er sú mesta í 3 mánuði. Vísitalan hefur hækkað um rúm 14% á árinu og er um 8 prósentum frá hæsta gildi sínu 1.565,15 sem var í september 2007.
Vísitölur | Lokagildi | Vika | 1 mán | 3 mán | 6 mán | Frá áram. | 12 mán |
Heimsvísitala (MSCI) | 1312,08 | 2,64% | 2,64% | 10,36% | 1,57% | 10,95% | 15,63% |
Þýskaland (DAX) | 7214,50 | 3,50% | 3,77% | 17,54% | 4,74% | 22,18% | 38,85% |
Bretland (FTSE) | 5794,80 | 1,59% | -1,04% | 6,46% | -1,72% | 3,84% | 10,96% |
Frakkland (CAC) | 3519,05 | 3,28% | 2,10% | 14,94% | 0,58% | 11,01% | 17,92% |
Bandaríkin (Dow Jones) | 13306,64 | 1,68% | 0,75% | 5,99% | 2,98% | 8,91% | 21,06% |
Bandaríkin (Nasdaq) | 3136,42 | 2,29% | 3,83% | 9,73% | 4,96% | 20,39% | 27,08% |
Bandaríkin (S&P 500) | 1436,42 | 2,28% | 2,28% | 8,47% | 4,89% | 14,34% | 24,58% |
Japan (Nikkei) | 8871,65 | 0,36% | -0,25% | 4,85% | -10,68% | 4,90% | 1,51% |
Samnorræn (VINX) | 100,22 | 1,62% | -1,73% | 14,68% | 1,46% | 14,29% | 23,39% |
Svíþjóð (OMXS30) | 1070,87 | 2,58% | -1,04% | 9,48% | -1,98% | 8,14% | 20,76% |
Noregur (OBX) | 413,57 | 2,28% | 3,55% | 16,04% | 5,09% | 15,68% | 24,80% |
Finnland (HEX25) | 2050,98 | 2,81% | 0,96% | 10,72% | -7,51% | 5,80% | 8,90% |
Danmörk (KFX) | 496,63 | 1,32% | 1,33% | 16,19% | 8,66% | 27,11% | 42,77% |
(Verðbreyting í viðkomandi mynt, Bloomberg, 7. september 2012)
Krónan hélt áfram að veikjast í vikunni. Gengisvísitala krónunnar hækkaði um 1,4% og endaði í 216,58 stigum. Það sem af er ári hefur gengi krónunnar fylgt innflutningstekjum og hefur styrking yfir sumarmánuðina og veiking í kjölfarið því verið fyrirséð. Krónan byrjaði reyndar að veikjast fyrr í ár en á síðasta ári en það stafar líklega af viðbrögðum markaðsaðila við mikilli styrkingu hennar framan af sumri. Markaðurinn á jú að eyða út árstíðabundnum sveiflum.
Samkvæmt bráðabirgðatölum frá Hagstofu Íslands nam útflutningur í ágúst 51,6 milljörðum króna og innflutningur 39,0 milljörðum króna. Vöruskiptin í ágúst voru því hagstæð um 12,6 milljarða króna.
Vísitala | Lokagildi | Vika | 1 mán | 3 mán | 6 mán | Frá áram. | 12 mán |
GVT ISK | 216,58 | 1,40% | 4,73% | -2,88% | -4,35% | -0,32% | -1,09% |
(Gengisvísitala krónunnar, Seðlabankinn, 7. september 2012)
Markaðsfréttir Íslenskra verðbréfa eru unnar af starfsmönnum Íslenskra verðbréfa hf. Þær eru stutt samantekt og ber ekki að líta svo á að í þeim sé að finna allar tiltækar upplýsingar um þau viðfangsefni sem til umfjöllunar eru.
Við vinnslu fréttanna er stuðst við innlendar og erlendar upplýsinga- og fréttaveitur sem taldar eru áreiðanlegar, en einnig við opinberar upplýsingar, eigin úrvinnslu og mat starfsmanna á hverjum tíma. Íslensk verðbréf hf. ábyrgjast þó ekki nákvæmni upplýsinganna, áreiðanleika eða réttmæti þeirra.
Markaðsfréttirnar eru einungis birtar í upplýsingaskyni og skal því ekki litið á þær sem ráðleggingu/ráðgjöf um að ráðast eða ráðast ekki í tiltekna fjárfestingu eða tilboð um að kaupa, selja eða skrá sig fyrir tilteknum fjármálagerningum.
Ábyrgðarmaður Vikulegra markaðsfrétta Íslenskra verðbréfa er Björn Snær Guðbrandsson, forstöðumaður eignastýringar.