Vikulega birta Íslensk verðbréf samantekt um þróun helstu eignaflokka undanfarna viku. Smelltu hér ef þú vilt skrá þig á listann.
Löng verðtryggð skuldabréf hækkuðu um 0,91% og millilöng verðtryggð skuldabréf hækkuðu um 0,71%. Löng óverðtryggð skuldabréf hækkuðu um 0,23% og millilöng óverðtryggð skuldabréf hækkuðu um 0,55%.
Lánamál ríkisins felldu niður útboð á ríkisbréfum sem fara átti fram föstudaginn 20. júlí. Sú ákvörðun hafði jákvæð áhrif á markaðinn þannig að bæði verðtryggð og óverðtryggð bréf hækkuðu í verði í vikunni. Næsta útboð ríkisbréfa er ekki áætlað fyrr en 22. ágúst.
OMXI6ISK vísitalan lækkaði í vikunni um 0,51%. Eina félagið sem hækkaði var Hagar, um 0,55%. Mest lækkuðu bréf Regins, um 1,78%.
Heildarvelta á OMXI6ISK var tæpar 338 milljónir króna. Mest voru viðskipti með bréf Marels fyrir um 135 milljónir króna.
Færeyski bankinn BankNordik hyggst greiða 150 milljónir DKK inn á lán sem bankinn tók í júní 2011. Lánið er 420 milljónir DKK með gjalddaga 2021. Bankinn hefur fengið leyfi hjá danska fjármálaeftirlitinu til að greiða inn á lánið.
Í tilkynningu frá bankanum kemur fram að biðlað hafi verið til eiganda bréfanna um endurkaup. Gangi það eftir mun það hafa lítil áhrif á eiginfjárhlutfall bankans sem var í lok júní 15,6% en gæti farið niður í 14,4%.
BankNordik er skráð í kauphöllina á Íslandi sem og í Kaupmannahöfn og er í OMXI6ISK vísitölunni. Engin viðskipti hafa verið með bréf félagsins síðan 6. júlí hér heima.
Marel og Össur munu bæði birta uppgjör fyrir 2. ársfjórðung þann 25. júlí.
Félög/vísitala | Lokagildi | Vika | 1 mán | 3 mán | 6 mán | Frá áram. | 12 mán |
BNORDIK | 70,00 | 0,00% | -6,67% | -9,09% | -6,67% | -13,58% | -33,96% |
HAGA | 18,20 | 0,55% | 1,11% | -3,70% | 7,06% | 11,31% | 14,11% |
ICEAIR | 6,70 | -0,45% | 3,88% | 5,68% | 32,67% | 33,20% | 35,08% |
MARL | 154,50 | 0,00% | 2,66% | 1,31% | 13,60% | 23,11% | 20,70% |
OSSRu | 209,00 | -0,95% | -0,48% | -0,95% | 8,29% | 12,97% | 5,29% |
Reginn | 8,30 | -1,78% | 0,00% | 0,00% | 0,00% | 1,22% | 1,22% |
OMXI6ISK | 1052,13 | -0,51% | 1,00% | -1,26% | 10,11% | 15,66% | 7,66% |
(Verðbreyting í viðkomandi mynt, Nasdaq OMX Nordic, 23. júlí 2012)
Heimsvísitala MSCI hækkaði um 0,49% í vikunni. Bandaríska S&P 500 vísitalan hækkaði um 0,46%, japanska Nikkei vísitalan lækkaði um 0,62% og þýska DAX vísitalan hækkaði um 1,11%. Samnorræna vísitalan, VINX, átti mjög góða viku og hækkaði um 2,56%.
Farið er að kveða við neikvæðari tón hjá málsmetandi aðilum í umræðu um efnahagsmál á heimsvísu. Ben Bernanke, seðlabankastjóri í Bandaríkjunum, svaraði spurningum þingmanna þar í landi og kom fram í svörum hans að hægar gengi að vinna bug á atvinnuleysi en vænst hefði verið og einnig virtist hann ekki bjartsýnn á að efnahagsvandræði Evrópu yrðu leyst í bráð.
Alþjóða gjaldeyrissjóðurinn endurmat fyrri spá sína um hagvöxt á heimsvísu niður á við fyrir þetta ár og það næsta. Fremur var þó vakin athygli á því að sjóðurinn telur áhættu hafa aukist nái forsendur sjóðsins um skynsamleg stefnumörkun bæði í Evrópu og Bandaríkjunum ekki fram að ganga.
Vísitölur | Lokagildi | Vika | 1 mán | 3 mán | 6 mán | Frá áram. | 12 mán |
Heimsvísitala (MSCI) | 1247,82 | 0,49% | 2,13% | -2,60% | -0,91% | 4,12% | -8,70% |
Þýskaland (DAX) | 6630,02 | 1,11% | 4,13% | -0,01% | 1,33% | 10,58% | -10,98% |
Bretland (FTSE) | 5651,77 | -0,23% | 0,81% | -1,89% | -3,88% | -0,25% | -6,35% |
Frakkland (CAC) | 3193,89 | 0,41% | 1,30% | 1,05% | -6,22% | -0,91% | -18,52% |
Bandaríkin (Dow Jones) | 12943,36 | 0,42% | 1,44% | -0,81% | 0,90% | 4,95% | 1,12% |
Bandaríkin (Nasdaq) | 2965,9 | 0,58% | 1,14% | -1,52% | 5,07% | 12,29% | 2,33% |
Bandaríkin (S&P 500) | 1376,51 | 0,46% | 2,07% | -0,31% | 3,55% | 8,35% | 1,31% |
Japan (Nikkei) | 8669,87 | -0,62% | -3,30% | -10,83% | -2,94% | 0,63% | -16,03% |
Samnorræn (VINX) | 96,15138 | 2,56% | 5,41% | 2,17% | 0,93% | 8,07% | -3,00% |
Svíþjóð (OMXS30) | 1041,563 | 1,03% | 1,54% | 1,79% | -1,63% | 3,80% | -6,02% |
Noregur (OBX) | 393,19 | 2,15% | 8,37% | 1,56% | 4,69% | 7,51% | -2,03% |
Finnland (HEX25) | 1877,372 | -0,80% | -1,84% | -7,58% | -14,73% | -5,60% | -19,83% |
Danmörk (KFX) | 473,1877 | 2,62% | 6,61% | 2,78% | 15,13% | 19,92% | 6,75% |
(Verðbreyting í viðkomandi mynt, Bloomberg, 23. júlí 2012)
Áframhald var á sumarstyrkingu krónunnar í vikunni. Gengisvísitalan lækkaði um 2,76% og endaði í 213,98 stigum. Bandaríkjadalur stóð í lok vikunnar í 124,51 krónu og lækkaði gengi hans um 3,24% gagnvart krónunni. Evran lækkaði um 3,04% í vikunni og stóð í 152,24 krónum í lok hennar.
Fjármálaráðuneytið birti ríkisreikning fyrir árið 2011 í vikunni. 89,4 milljarða króna halli var á rekstri ríkissjóðs árið 2011, sem er 43 milljörðum verr en áætlanir gerðu ráð fyrir. Til samanburðar var halli ársins 2010 123,3 milljarðar. Tekjur á síðasta ári voru 1,2% umfram fjárlög en gjöld voru 9,2% umfram fjárlög. Skv. fjármálaráðuneytinu skýrist frávik frá áætlunum að langstærstu leyti af óreglulegum liðum og einskiptis kostnaði.
Mest munar um gjaldfærslur vegna SpKef sparisjóðs upp á 20 milljarða króna. Þá námu niðurfærslur eignarhluta hjá Byggðastofnun um 7 milljörðum króna og Nýsköpunarsjóði atvinnulífsins um 5 milljörðum króna.
Vísitala | Lokagildi | Vika | 1 mán | 3 mán | 6 mán | Frá áram. | 12 mán |
GVT ISK | 213,98 | -2,76% | -2,02% | -6,39% | -2,91% | -1,52% | -3,68% |
(Gengisvísitala krónunnar, Seðlabankinn, 23. júlí 2012)
Markaðsfréttir Íslenskra verðbréfa eru unnar af starfsmönnum Íslenskra verðbréfa hf. Þær eru stutt samantekt og ber ekki að líta svo á að í þeim sé að finna allar tiltækar upplýsingar um þau viðfangsefni sem til umfjöllunar eru.
Við vinnslu fréttanna er stuðst við innlendar og erlendar upplýsinga- og fréttaveitur sem taldar eru áreiðanlegar, en einnig við opinberar upplýsingar, eigin úrvinnslu og mat starfsmanna á hverjum tíma. Íslensk verðbréf hf. ábyrgjast þó ekki nákvæmni upplýsinganna, áreiðanleika eða réttmæti þeirra.
Markaðsfréttirnar eru einungis birtar í upplýsingaskyni og skal því ekki litið á þær sem ráðleggingu/ráðgjöf um að ráðast eða ráðast ekki í tiltekna fjárfestingu eða tilboð um að kaupa, selja eða skrá sig fyrir tilteknum fjármálagerningum.
Ábyrgðarmaður Vikulegra markaðsfrétta Íslenskra verðbréfa er Sveinn Torfi Pálsson, forstöðumaður eignastýringar.