Löng verðtryggð bréf hækkuðu um 0,67% og stutt verðtryggð bréf hækkuðu um 0,93%. Stutt óverðtryggð bréf hækkuðu um 0,43%.
Á miðvikudaginn voru stýrivextir lækkaðir um eina prósentu, og
eru nú 4,5%. Þetta var heldur meiri lækkun en markaðurinn reiknaði með. Þau
skilaboð komu ennfremur frá SÍ að trúlega væri rúm fyrir frekari lækkun
stýrivaxta.
Gjaldeyrishöftin munu þó ráða mestu um hvernig stýrivextir þróast
næstu mánuði. Verði þau viðvarandi er svigrúmið meira en ella.Á miðvikudaginn fór fram útboð á óverðtryggðum flokki
ríkisbréfa, RIKB 12 0824. Tilboðum var tekið fyrir rúma 5 milljarða að
nafnvirði með 2,37% ávöxtunarkröfu.
Við útboð í flokknum sem fór fram 19. nóvember, var ávöxtunarkrafan 3,9% og því er ljóst að fjármögnunarkostnaður ríkisins fer lækkandi. Það getur ríkið fyrst og fremst þakkað gjaldeyrishöftunum.
OMXI6ISK vísitalan hækkaði um 2,0% í síðustu viku og hækkaði Atlantic Petroleum mest eða um 12,63%. Mest velta var með Marel af félögum vísitölunnar fyrir rúmlega 4,9 milljarða.
Horn fjárfestingarfélag ehf., sem er í eigu Landsbankans seldi í síðustu viku tæplega 50 milljón hluti í Marel á genginu 95. Er hér um tæp 7% af heildarhlutafé Marels að skipta um hendur.
Hlutafjárútboð Icelandair hófst á miðvikudaginn í síðustu viku og stendur til kl. 16 þann 23. desember. Núverandi hluthafar hafa forgangsrétt að 799 milljónum hluta, starfsmenn að 160 milljónum hluta og svo eru 100 milljón hlutir ætlaðir til almennings. Útboðsgengi er 2,5 á hlut.
Nú eru stýrivextir á Íslandi í sögulegu
lágmarki og í því tilliti er vert að velta fyrir sér sambandi vaxta og
hlutabréfamarkaða. Að öllu óbreyttu ættu lágir vextir og lækkandi að ýta undir
áhuga fjárfesta á öðrum fjárfestingarkostum en innlánum og ríkistryggðum
skuldabréfum. Þar koma hlutabréf sterklega til greina.
Fleira verður þó að koma til ef takast á að blása nýju lífi í íslenska hlutabréfamarkaðinn þar sem sá markaður er ákaflega veikburða. Það er ljóst að það þarf fleiri áhugaverð hlutafélög inn á markaðinn svo það takist.
Félög/vísitala | Lokagildi | Vika | 1 mán | 3 mán | 6 mán | Frá áram. | 12 mán |
BNORDIK | 142,00 | -3,40% | -6,89% | 1,43% | -5,33% | 9,65% | 7,58% |
FO-AIR | 118,00 | 2,61% | 0,00% | -0,84% | -7,81% | -16,31% | -19,73% |
FO-ATLA | 214,00 | 12,63% | 12,63% | 37,18% | 38,96% | 33,75% | 28,92% |
ICEAIR | 3,50 | -2,78% | 0,00% | 0,00% | 12,90% | -4,11% | -4,11% |
MARL | 100,00 | 0,00% | 5,82% | 6,38% | 18,34% | 60,26% | 57,48% |
OSSR | 212,00 | 1,92% | 3,41% | -1,40% | 15,53% | 37,22% | 52,52% |
OMXI6ISK | 948,34 | 2,00% | 3,10% | -1,04% | 4,98% | 16,36% | 19,28% |
(Nasdaq OMX Nordic, 13. desember 2010)
Hækkun var á helstu hlutabréfavísitölum í vikunni. S&P 500 í Bandaríkjunum hækkaði um 1,32%, DAX í Þýskalandi um 0,84%, Nikkei í Japan um 0,33% og heimshlutabréfavísitalan MSCI hækkaði um 0,78%.
DAX hlutabréfavísitala Þýskalands hefur hækkað um 18,03% frá áramótum og um 18,24% frá byrjun september. Hagvöxtur í Þýskalandi er með því hæsta sem mælist á evrusvæðinu eða 3,4% fyrstu 9 mánuði ársins. Ennfremur hefur verið góður gangur í þýskri smásölu og atvinnulausum hefur farið fækkandi sautján mánuði í röð en atvinnuleysi mælist nú 7,5%.
Peningastefnunefnd Englandsbanka ákvað í síðustu viku að gera
enga breytingu á stýrivöxtum en þeir eru í dag 0,5%. Til samanburðar þá eru
stýrivextir 0,1% í Japan og 0,25% í Bandaríkjunum.
Vísitölur | Lokagildi | Vika | 1 mán | 3 mán | 6 mán | Frá áram. | 12 mán |
Heimsvísitala (MSCI) | 1256,52 | 0,78% | 1,63% | 8,84% | 16,27% | 7,54% | 8,74% |
Þýskaland (DAX) | 7006,17 | 0,84% | 5,69% | 12,30% | 16,27% | 18,03% | 22,15% |
Bretland (FTSE) | 5812,95 | 1,19% | 0,58% | 4,76% | 12,91% | 7,71% | 10,81% |
Frakkland (CAC) | 3857,35 | 2,85% | 1,17% | 2,89% | 9,02% | -1,53% | 1,90% |
Bandaríkin (Dow Jones) | 11410,32 | 0,32% | 1,95% | 8,21% | 11,74% | 9,42% | 8,97% |
Bandaríkin (Nasdaq) | 2637,54 | 1,81% | 4,74% | 15,39% | 17,56% | 16,23% | 20,42% |
Bandaríkin (S&P 500) | 1240,40 | 1,32% | 3,43% | 10,56% | 13,63% | 11,24% | 12,11% |
Japan (Nikkei) | 10211,95 | 0,33% | 5,85% | 10,43% | 6,07% | -2,39% | 1,84% |
Samnorræn (VINX) | 102,19 | 0,07% | 5,61% | 7,45% | 16,32% | 28,51% | 31,51% |
Svíþjóð (OMXS30) | 1139,16 | -0,91% | 4,63% | 5,97% | 12,69% | 20,34% | 20,58% |
Noregur (OBX) | 383,17 | 0,24% | 1,87% | 11,18% | 19,12% | 13,49% | 16,41% |
Finnland (OMXH25) | 2538,43 | -0,31% | 2,99% | 7,52% | 17,51% | 25,64% | 30,27% |
Danmörk (OMXC20) | 447,67 | 2,34% | 4,36% | 7,31% | 11,98% | 33,78% | 35,67% |
(Verðbreyting í viðkomandi mynt, Bloomberg, 13. desember 2010)
Gengi krónunnar styrktist örlítið í vikunni og lækkaði gengisvísitalan um 0,12% og endaði í 205,6 stigum. Frá áramótum hefur vísitalan lækkað um 11,7% og krónan því styrkst sem því nemur.
Í vikunni bárust fréttir af nýju ICESAVE samkomulagi sem lítur út fyrir að vera mun hagkvæmara en því sem hafnað var fyrr á árinu. Um mjög jákvæðar fréttir er að ræða. Vonir standa til að ef samkomulagið verður samþykkt af stjórnvöldum muni það leiða til hærra lánshæfismats ríkissjóðs og lægra skuldatryggingaálags. Í framhaldinu ætti að aukast aðgengi innlendra aðila að erlendu lánsfé.
Varðandi afnám gjaldeyrishaftanna þá mun lausn Icesave ekki hafa
áhrif á þau í bráð því seðlabankinn hefur gefið út að ekki verði stigið næsta
skref fyrr en í fyrsta lagi í mars. Hinsvegar virðist vera að enn sé
gengisáhætta veruleg fyrir ríkisstjóð vegna Icesave.
Ástæða þess er að
skuldbindingar innstæðusjóðsins eru fastar í krónum en samkomulagið við Breta
og Hollendinga er í erlendri mynt. Því kann svo að vera að afnám haftanna geti
dregist enn frekar, telji seðlabankinn að afnámið leiði til veikingar
krónunnar.
Vísitala | Lokagildi | Vika | 1 mán | 3 mán | 6 mán | Frá áram. | 12 mán |
GVT ISK | 205,5601 | -0,12% | 1,26% | 0,23% | -3,50% | -11,70% | -12,31% |
(Gengisvísitala krónunnar, Bloomberg, 13. desember 2010)
Markaðsfréttir Íslenskra verðbréfa eru unnar af starfsmönnum Íslenskra verðbréfa hf. Þær eru stutt samantekt og ber ekki að líta svo á að í þeim sé að finna allar tiltækar upplýsingar um þau viðfangsefni sem til umfjöllunar eru.
Við vinnslu fréttanna er stuðst við innlendar og erlendar upplýsinga- og fréttaveitur sem taldar eru áreiðanlegar, en einnig við opinberar upplýsingar, eigin úrvinnslu og mat starfsmanna á hverjum tíma. Íslensk verðbréf hf. ábyrgjast þó ekki nákvæmni upplýsinganna, áreiðanleika eða réttmæti þeirra.
Markaðsfréttirnar eru einungis birtar í upplýsingaskyni og skal því ekki litið á þær sem ráðleggingu/ráðgjöf um að ráðast eða ráðast ekki í tiltekna fjárfestingu eða tilboð um að kaupa, selja eða skrá sig fyrir tilteknum fjármálagerningum.
Ábyrgðarmaður Vikulegra markaðsfrétta Íslenskra verðbréfa er Björn Snær Guðbrandsson, forstöðumaður eignastýringar.