Vikulegar markaðsfréttir Íslenskra verðbréfa
Innlend skuldabréf
Verð
skuldabréfa breyttist lítið í vikunni. Löng verðtryggð bréf hækkuðu um 0,21% og
stutt verðtryggð bréf hækkuðu um 0,25%. Löng óverðtryggð bréf lækkuðu einungis um 0,05%.
Markaðurinn
hefur því aðeins róast eftir mikla keyrslu í september. Trúlegt er að nú fari
fjárfestar að innleysa hagnað eftir miklar gengishækkanir að undanförnu.
Mánudaginn
13. september var ríkisvíxlaútboð hjá Lánamálum ríkisins. Í útboðinu var tekið
tilboðum fyrir rúma 20 milljarða á 4,51% flötum vöxtum og eru þessi kjör heldur
betri en reiknað var með.
Á miðvikudaginn birtir svo SÍ stýrivaxtaákvörðun sína og reiknum við með að minnsta kosti 100 punkta lækkun stýrivaxta sem verða þá komnir í 6% og eru þá búnir að lækka um 12 prósentustig frá hæsta punkti.
Innlend hlutabréf
OMXI6ISK vísitalan hækkaði um 1,13% í síðustu viku og hefur hækkað um 21% frá áramótum. Mesta hækkun var á Atlantic Petroleum (2,56%) í viðskiptum upp á 8 milljónir að markaðsvirði
Mjög lítil velta var með hlutabréf í síðustu viku, heildarveltan nam tæpum 87 milljónum, mest með Össur fyrir 59 milljónir. Hefur Össur hækkað um 21% síðustu þrjá mánuði og 77% síðustu tólf mánuði.
Athygli vekur að Icelandair hefur hækkað
um 75% síðustu tólf mánuði en í síðustu viku sýndi tólf mánaða breytingin
lækkun um 10% en engin viðskipti voru með bréf félagsins í vikunni. Skýringin liggur í mikilli lækkun á bréfum
félagsins fyrir ári síðan er gengið fór úr 3,90 í 2,0.
| Félög/vísitala | Lokagildi | Vika | 1 mán | 3 mán | 6 mán | Frá áram. | 12 mán |
| BNORDIK | 139,00 | -0,71% | -0,71% | -5,44% | -12,58% | 7,34% | -0,36% |
| FO-ATLA | 160,00 | 2,56% | 12,68% | 3,90% | -1,84% | 0,00% | -31,68% |
| FO-EIK | 70,00 | 0,72% | -7,28% | -15,66% | -11,95% | -12,50% | -18,60% |
| ICEAIR | 3,50 | 0,00% | 0,00% | 12,90% | 20,69% | -4,11% | 75,00% |
| MARL | 94,90 | 0,96% | 2,82% | 10,99% | 21,98% | 52,08% | 62,22% |
| OSSR | 217,00 | 0,93% | 8,23% | 20,56% | 18,58% | 40,45% | 77,14% |
| OMXI6ISK | 969,16 | 1,13% | 4,03% | 8,19% | 3,41% | 18,92% | 21,18% |
(Nasdaq OMX Nordic, 20. september 2010)
Erlend hlutabréf
Almennt hækkuðu helstu hlutabréfamarkaðir í síðustu viku að Evrópu undanskilinni þar sem verðið var nánast óbreytt. Í Bandaríkjunum hækkaði S&P500 um 1,5%, en Nasdaq hækkaði um 3,27%, Nikkei í Japan hækkaði um 4,19% en aftur á móti lækkaði Dax í þýskalandi um 0,08%. Heimsvísitala MSCI hækkaði um 1,54%.
Í vikunni seldi Seðlabanki Japans jen í fyrsta skipti frá árinu 2004 og gaf gjaldmiðillinn nokkuð eftir. Fjármálaráðherra Japans greindi frá því að til stæði að grípa enn frekar inn í gjaldeyrismarkaðinn. Markmiðið er að gera útflutning Japana samkeppnishæfari. Tilkynningin hafði jákvæð áhrif á markaði í Japan og hækkuðu hlutabréf umtalsvert í vikunni.
Fjárfestar halda áfram að fjárfesta í gulli og hefur verð á gulli aldrei verið hærra en nú, er komið í 1267 dali únsan.
| Vísitölur | Lokagildi | Vika | 1 mán | 3 mán | 6 mán | Frá áram. | 12 mán |
| Heimsvísitala (MSCI) | 1157,07 | 1,54% | 5,70% | 3,65% | -2,91% | -1,06% | 1,46% |
| Þýskaland (DAX) | 6209,76 | -0,08% | 4,04% | 0,50% | 4,44% | 4,88% | 9,54% |
| Bretland (FTSE) | 5508,45 | 0,13% | 7,10% | 5,97% | -1,52% | 2,79% | 7,56% |
| Frakkland (CAC) | 3722,02 | -0,10% | 6,52% | 1,86% | -4,32% | -4,58% | -1,88% |
| Bandaríkin (Dow Jones) | 10607,85 | 1,46% | 3,86% | 1,50% | -1,25% | 1,72% | 8,02% |
| Bandaríkin (Nasdaq) | 2315,61 | 3,27% | 6,23% | 0,25% | -2,48% | 2,05% | 8,57% |
| Bandaríkin (S&P 500) | 1125,59 | 1,50% | 5,03% | 0,72% | -2,96% | 0,94% | 5,36% |
| Japan (Nikkei) | 9509,50 | 4,19% | 4,87% | -3,69% | -11,07% | -8,73% | -7,18% |
| Samnorræn (VINX) | 94,90 | 0,37% | 7,29% | 4,82% | 6,20% | 19,04% | 22,20% |
| Svíþjóð (OMXS30) | 1081,98 | 1,22% | 6,26% | 2,84% | 6,29% | 13,95% | 17,85% |
| Noregur (OBX) | 344,82 | 0,93% | 6,55% | 4,53% | 3,00% | 1,67% | 16,70% |
| Finnland (OMXH25) | 2372,21 | 0,83% | 7,32% | 7,23% | 7,72% | 17,34% | 19,44% |
| Danmörk (OMXC20) | 412,90 | -0,83% | 3,87% | -0,85% | 8,96% | 22,88% | 22,75% |
(Verðbreyting í viðkomandi mynt, Bloomberg, 20. september 2010)
Krónan
Krónan veiktist í liðinni viku og hækkaði gengisvísitalan um 0,71% og endaði í 206,6 stigum. Evran hækkaði í verði alla daga vikunnar, en þó mest á föstudag, um 0,57%. Vera kann að seðlabankinn hafi selt krónur í vikunni og það sé ástæðan.
Um helgina var gengið frá sölu á danska bankanum FIH.
Seðlabanki Íslands er með veð í nær öllu hlutafé bankans, en bankinn lánaði
Kaupþing 500 milljónir evra á haustdögum 2008. Salan mun styrkja gjaldeyrisforðann
og reiknar seðlabankastjóri að um 250 milljónir evra muni bætast við forðann
fyrir áramót.
Gjaldeyisforðinn var um 550 milljarðar króna í lok ágúst og
skiptir því salan þó nokkru máli til eflingar hans. Þriðja endurskoðun
efnahagsáætlunar Íslands og AGS verður
tekin fyrir 29. september.
Í kjölfarið gæti forðinn aukist um 160 milljónir dollara frá sjóðnum og 444 milljónir evru frá norðurlöndunum, en útborgun þeirra lána veltur á því hvort lausn hafi náðst í Icesave málinu.
Allavega er ljóst að gjaldeyrisforðinn hefur stækkað verulega sem ætti að auðvelda SÍ að stíga frekari skref í afnámi gjaldeyrishafta.
| Vísitala | Lokagildi | Vika | 1 mán | 3 mán | 6 mán | Frá áram. | 12 mán |
| GVT ISK | 206,6002 | 0,71% | -0,83% | -2,79% | -8,75% | -11,26% | -11,17% |
(Gengisvísitala krónunnar, Bloomberg, 20. september 2010)
Fyrirvari
Markaðsfréttir Íslenskra verðbréfa eru unnar af starfsmönnum Íslenskra verðbréfa hf. Þær eru stutt samantekt og ber ekki að líta svo á að í þeim sé að finna allar tiltækar upplýsingar um þau viðfangsefni sem til umfjöllunar eru.
Við vinnslu fréttanna er stuðst við innlendar og erlendar upplýsinga- og fréttaveitur sem taldar eru áreiðanlegar, en einnig við opinberar upplýsingar, eigin úrvinnslu og mat starfsmanna á hverjum tíma. Íslensk verðbréf hf. ábyrgjast þó ekki nákvæmni upplýsinganna, áreiðanleika eða réttmæti þeirra.
Markaðsfréttirnar eru einungis birtar í upplýsingaskyni og skal því ekki litið á þær sem ráðleggingu/ráðgjöf um að ráðast eða ráðast ekki í tiltekna fjárfestingu eða tilboð um að kaupa, selja eða skrá sig fyrir tilteknum fjármálagerningum.
Ábyrgðarmaður Vikulegra markaðsfrétta Íslenskra verðbréfa er Björn Snær Guðbrandsson, forstöðumaður eignastýringar.