Löng
verðtryggð skuldabréf lækkuðu um 0,45% í vikunni og stutt verðtryggð bréf lækkuðu
um 0,23%. Löng óverðtryggð bréf lækkuðu einnig um 0,37%.
Verð
skuldabréfa gaf því aðeins eftir í vikunni eftir miklar hækkanir í vikunum þar
á undan. Það er reyndar ekki óeðlilegt að markaðurinn róist aðeins í byrjun
júlí og gefi aðeins eftir þar sem flestir fjárfestar eru komnir í sumarfrí.
Það er líka töluvert í næstu tölur sem hafa hvað mest áhrif á skuldabréfamarkaðinn en vísitala neysluverðs verður birt 28. júlí og næsta stýrivaxtaákvörðun SÍ er 18. ágúst.
OMXI6ISK vísitalan hækkaði um 1,39% á milli vikna. Marel hækkaði mest, um 2,15%. BankNordik lækkaði mest, um 1,37%. Tvö félög hækkuðu í vísitölunni, þrjú stóðu í stað og eitt lækkaði.
Veltan í síðustu viku var nálægt 151 milljón króna og er þetta um helmingi minni velta en var að meðaltali á viku í júní mánuði.
Mest var veltan í síðustu viku með bréf Marels eins og svo oft áður og voru viðskipti með þau fyrir um 110 milljónir króna.
Af þeim 30 viðskiptum sem áttu sér stað í síðustu viku á OMXI6ISK þá voru 29 með Marel og Össur, ein viðskipti voru með BankNordik fyrir um 12 milljónir króna.
Félög/vísitala | Lokagildi | Vika | 1 mán | 3 mán | 6 mán | Frá áram. | 12 mán |
BNORDIK | 144,00 | -1,37% | -4,00% | -9,43% | 11,63% | 11,20% | 20,50% |
FO-ATLA | 135,00 | 0,00% | -12,34% | -16,92% | -15,63% | -15,63% | -56,92% |
FO-EIK | 79,00 | 0,00% | -4,82% | -5,95% | -10,23% | -1,25% | -1,25% |
ICEAIR | 3,50 | 0,00% | 12,90% | 6,06% | -4,11% | -4,11% | -26,32% |
MARL | 90,30 | 2,15% | 6,86% | 9,85% | 45,65% | 44,71% | 66,61% |
OSSR | 185,50 | 1,92% | 1,09% | -2,88% | 17,41% | 20,06% | 62,72% |
OMXI6ISK | 906,46 | 1,39% | 0,34% | -5,91% | 10,45% | 11,22% | 21,54% |
(Nasdaq OMX Nordic, 12. júlí 2010)
Góður gangur var á hlutabréfum almennt um allan heim í síðustu viku og hækkaði heimsvísitalan um 5,33%. FTSE í Bretlandi hækkaði um 6,11%, VINX samnorræna vísitalan hækkaði um 5,22%, Dow Jones hækkaði um 5,35% og Nikkei í Japan hækkaði um 4,15%.
Alþjóðagjaldeyrissjóðurinn (AGS) gerir nú ráð fyrir
meiri hagvexti en hann gerði í apríl á þessu ári, en hann hækkað hagvaxtaspá
sína í 4,6% úr 4,2%. Sjóðurinn gerir einnig ráð fyrir að hagvöxtur á árinu 2011
verði 4,3%.
Ástæðan fyrir meiri bjartsýni á hagvöxt er góður vöxtur í Asíu og aukin einkaneysla í Bandaríkjunum. Aftur á móti telur sjóðurinn að áhættuvaldur varðandi efnahagsbata sé skuldakreppa í Evrópu.
Vísitölur | Lokagildi | Vika | 1 mán | 3 mán | 6 mán | Frá áram. | 12 mán |
Heimsvísitala (MSCI) | 1084,87 | 5,33% | 1,00% | -11,21% | -8,99% | -6,58% | 18,46% |
Þýskaland (DAX) | 6065,24 | 3,96% | 0,40% | -2,86% | 2,17% | 1,93% | 32,69% |
Bretland (FTSE) | 5132,94 | 6,11% | -0,37% | -10,96% | -6,44% | -4,96% | 24,65% |
Frakkland (CAC) | 3554,48 | 6,16% | -0,11% | -12,32% | -11,21% | -9,77% | 19,06% |
Bandaríkin (Dow Jones) | 10198,03 | 5,35% | -0,13% | -7,34% | -4,04% | -2,21% | 25,18% |
Bandaríkin (Nasdaq) | 1814,79 | 5,00% | -1,75% | -9,06% | -2,52% | -2,45% | 27,82% |
Bandaríkin (S&P 500) | 1077,96 | 5,47% | -1,25% | -9,91% | -5,13% | -3,33% | 22,62% |
Japan (Nikkei) | 9585,32 | 4,15% | -1,62% | -15,14% | -12,23% | -9,47% | 2,81% |
Samnorræn (VINX) | 87,96 | 5,22% | -0,65% | -5,19% | 6,75% | 9,76% | 43,02% |
Svíþjóð (OMXS30) | 1028,12 | 4,56% | 0,76% | -2,31% | 5,62% | 7,60% | 32,28% |
Noregur (OBX) | 318,98 | 6,75% | -1,48% | -9,86% | -7,34% | -6,13% | 35,66% |
Finnland (OMXH25) | 2156,18 | 4,65% | -1,00% | -5,70% | 4,94% | 5,85% | 41,27% |
Danmörk (OMXC20) | 406,58 | 4,16% | 0,78% | 1,91% | 13,63% | 20,39% | 44,85% |
(Verðbreyting í viðkomandi mynt, Bloomberg, 12. júlí 2010)
Krónan veiktist í liðinni viku og hækkaði gengisvísitalan um 0,33% og endaði í 213,14 stigum. Lítil viðskipti eru á millibankamarkaði með krónur og má segja að hann sé óvirkur enda kannski ekki von á öðru á meðan að gjaldeyrishöftin eru jafn ströng og nú er.
Frá áramótum hefur krónan styrkst um tæp 8,5% og hefur verið í styrkingarfasa. Nýleg yfirlýsing frá SÍ um væntanleg kaup á gjaldeyri hefur örugglega neikvæð áhrif á frekari styrkingu krónunnar.
Fari það saman að SÍ hefji reglubundin kaup á gjaldeyri og fari jafnframt að stíga næstu skref í afnámi gjaldeyrishafta má fastlega reikna með að gengi krónunnar gefi eftir á seinni hluta ársins.Vísitala | Lokagildi | Vika | 1 mán | 3 mán | 6 mán | Frá áram. | 12 mán |
GVT ISK | 213,14 | 0,33% | -0,20% | -5,73% | -8,57% | -8,45% | -7,90% |
Markaðsfréttir Íslenskra verðbréfa eru unnar af starfsmönnum Íslenskra verðbréfa hf. Þær eru stutt samantekt og ber ekki að líta svo á að í þeim sé að finna allar tiltækar upplýsingar um þau viðfangsefni sem til umfjöllunar eru.
Við vinnslu fréttanna er stuðst við innlendar og erlendar upplýsinga- og fréttaveitur sem taldar eru áreiðanlegar, en einnig við opinberar upplýsingar, eigin úrvinnslu og mat starfsmanna á hverjum tíma. Íslensk verðbréf hf. ábyrgjast þó ekki nákvæmni upplýsinganna, áreiðanleika eða réttmæti þeirra.
Markaðsfréttirnar eru einungis birtar í upplýsingaskyni og skal því ekki litið á þær sem ráðleggingu/ráðgjöf um að ráðast eða ráðast ekki í tiltekna fjárfestingu eða tilboð um að kaupa, selja eða skrá sig fyrir tilteknum fjármálagerningum.
Ábyrgðarmaður Vikulegra markaðsfrétta Íslenskra verðbréfa er Björn Snær Guðbrandsson, forstöðumaður eignastýringar.