Verðtryggð skuldabréf hækkuðu um 0,27% í vikunni og
óverðtryggð skuldabréf um 0,46%. Lækkun á ávöxtunarkröfu verðtryggðra bréfa vóg
upp á móti neikvæðu framlagi verðtryggingarinnar. Ávöxtunarkrafa styttri
óverðtryggðra bréfa hækkaði þó nokkuð, en lækkaði aðeins á löngu óverðtryggðu
bréfunum.
Heildaráhrifin eru þau að flestir flokkar leita í átt að þeirri
ávöxtunarkröfu sem lífeyrissjóðir styðjast við þegar tryggingafræðileg staða
þeirra er reiknuð. Það kann að vera tilviljun, en einnig má benda á að margir
eru í sumarfríum, en spákaupmenn hafa haft töluverð áhrif á verðþróun
skuldabréfa undanfarin misseri.
Gengi OMXI6ISK vísitölunnar var nær óbreytt í síðustu viku sem endurspeglar mjög tíðindalitla viku á innlenda hlutabréfamarkaðinum. Engin viðskipti voru með félög í vísitölunni á þriðjudaginn þrátt fyrir að markaðurinn hafi verið opinn og ekki nema ellefu viðskipti í það heila alla vikuna.
Heildarveltan var 61 milljón og var mesta veltan með bréf Össurar fyrir 44,5 milljónir og BankNordik fyrir 14,3 milljónir.
Í rúman hálfan mánuð hafa engin viðskipti verið með helming þeirra félaga sem OMXI6ISK vísitalan er sett saman af en engin viðskipti hafa verið með Atlantic Petroleum og Eik Bank síðan 2. júlí og engin viðskipti með Icelandair síða 29. júní.
Félög/vísitala | Lokagildi | Vika | 1 mán | 3 mán | 6 mán | Frá áram. | 12 mán |
BNORDIK | 144,00 | 0,00% | -2,04% | -10,00% | 8,68% | 11,20% | 18,52% |
FO-ATLA | 135,00 | 0,00% | -12,34% | -18,18% | -15,63% | -15,63% | -54,53% |
FO-EIK | 79,00 | 0,00% | -4,82% | -10,73% | -10,23% | -1,25% | -1,25% |
ICEAIR | 3,50 | 0,00% | 12,90% | 2,94% | -4,11% | -4,11% | -16,67% |
MARL | 90,10 | -0,22% | 5,38% | 7,52% | 44,39% | 44,39% | 66,54% |
OSSR | 184,00 | -0,81% | 2,22% | -3,16% | 8,88% | 19,09% | 62,11% |
OMXI6ISK | 906,31 | -0,02% | 1,18% | -5,81% | 7,78% | 11,21% | 20,04% |
(Nasdaq OMX Nordic, 19. júlí 2010)
Fremur lítil breyting var á helstu hlutabréfavísitölum í
liðinni viku, eftir miklar hækkanir vikuna á undan.
Heimsvísitala MSCI lækkaði um 0,14%. Af helstu vísitölum þá lækkaði S&P 500 í Bandaríkjunum um 1,2%, Nikkei í Japan lækkaði um 1,85%, DAX í Þýskalandi um 0,41% en FTSE í Bretlandi hækkaði um 0,51%. Samnorræna VINX Benchmark vísitalan stóð í stað.
Frá áramótum eru allar helstu vísitölurnar í lækkun og hefur
heimsvísitalan lækkað um 6,73%. Norðurlandvísitalan hefur hinsvegar
hækkað um
rúm 10% og er hækkun allsstaðar nema í Noregi, en þar hækkaði vísitalan
um 70%
árið 2009.
Vísitölur | Lokagildi | Vika | 1 mán | 3 mán | 6 mán | Frá áram. | 12 mán |
Heimsvísitala (MSCI) | 1113,12 | -0,14% | -2,28% | -10,48% | -9,43% | -6,73% | 10,93% |
Þýskaland (DAX) | 6040,27 | -0,41% | -2,92% | -2,06% | 0,99% | 1,31% | 21,23% |
Bretland (FTSE) | 5158,85 | 0,51% | -1,71% | -9,89% | -6,38% | -4,65% | 17,60% |
Frakkland (CAC) | 3500,16 | -1,53% | -4,86% | -11,65% | -12,51% | -10,88% | 8,99% |
Bandaríkin (Dow Jones) | 10097,90 | -0,95% | -3,38% | -8,96% | -5,85% | -3,17% | 15,48% |
Bandaríkin (Nasdaq) | 1803,48 | -0,62% | -5,75% | -10,43% | -4,85% | -3,05% | 18,09% |
Bandaríkin (S&P 500) | 1064,88 | -1,20% | -4,71% | -11,08% | -7,42% | -4,50% | 13,24% |
Japan (Nikkei) | 9685,53 | -1,85% | -5,87% | -13,75% | -12,60% | -10,79% | 0,14% |
Samnorræn (VINX) | 87,96 | 0,00% | -3,13% | -4,56% | 5,07% | 10,01% | 35,28% |
Svíþjóð (OMXS30) | 1034,69 | 0,64% | -1,43% | -0,34% | 6,51% | 9,22% | 23,43% |
Noregur (OBX) | 317,21 | -0,56% | -3,86% | -8,54% | -7,94% | -6,48% | 24,86% |
Finnland (OMXH25) | 2135,98 | -0,94% | -3,39% | -3,80% | 2,94% | 5,72% | 33,35% |
Danmörk (OMXC20) | 409,33 | 0,68% | -2,38% | 2,01% | 13,00% | 20,98% | 39,06% |
Gengi krónunnar breyttist nær ekkert í síðustu viku og
endaði gengisvísitalan í 213,11 stigum. Evran hækkaði í verði um 0,48%,
en
dollar gaf eftir um 1,91%.
Evran hefur verið að sækja í sig veðrið undanfarnar
vikur. Hún var veikust 7. júní á móti dollara, 1,19 EUR/USD (dollarar í
evru) en var komin yfir
1,29 í lok vikunnar. Hefur evran hækkað á þessu tímabili í verði um 8,4%
í
dollurum talið.
Skuldatryggingarálag Evrópuríkja sem eru í hvað mestum vandræðum hefur farið lækkandi, en einnig eru jákvæðari horfur í útflutningi Evrópusambandsríkja. Veikari evra styður við samkeppnisstöðu svæðisins. Þrátt fyrir þessa veikingu evrunnar er hún mun sterkari en meðaltalið er frá því hún fór af stað 1999 og um 14% of sterk (gangvart helstu myntum) samkvæmt upplýsingum frá Bloomberg.
Innlendur millibankamarkaður fer fram í krónum og evrum og því mun styrking evrunnar ein og sér leiða til þess að krónan styrkist gagnvart þeim gjaldmiðlum sem evran styrkist gagnvart. Viðskipti eru strjál á millibankamarkaði og því mun krónan fylgja evrunni nema til viðskipta komi.Vísitala | Lokagildi | Vika | 1 mán | 3 mán | 6 mán | Frá áram. | 12 mán |
GVT ISK | 213,14 | 0,33% | -0,20% | -5,73% | -8,57% | -8,45% | -7,90% |
Markaðsfréttir Íslenskra verðbréfa eru unnar af starfsmönnum Íslenskra verðbréfa hf. Þær eru stutt samantekt og ber ekki að líta svo á að í þeim sé að finna allar tiltækar upplýsingar um þau viðfangsefni sem til umfjöllunar eru.
Við vinnslu fréttanna er stuðst við innlendar og erlendar upplýsinga- og fréttaveitur sem taldar eru áreiðanlegar, en einnig við opinberar upplýsingar, eigin úrvinnslu og mat starfsmanna á hverjum tíma. Íslensk verðbréf hf. ábyrgjast þó ekki nákvæmni upplýsinganna, áreiðanleika eða réttmæti þeirra.
Markaðsfréttirnar eru einungis birtar í upplýsingaskyni og skal því ekki litið á þær sem ráðleggingu/ráðgjöf um að ráðast eða ráðast ekki í tiltekna fjárfestingu eða tilboð um að kaupa, selja eða skrá sig fyrir tilteknum fjármálagerningum.
Ábyrgðarmaður Vikulegra markaðsfrétta Íslenskra verðbréfa er Björn Snær Guðbrandsson, forstöðumaður eignastýringar.