Vikulegar markaðsfréttir Íslenskra verðbréfa
Innlend skuldabréf
Verðtryggð skuldabréf til 10 ára (OMXI10YI) hækkuðu um 0,49% í vikunni, verðtryggð bréf til 5 ára (OMXI5YI) hækkuðu um 0,70% og óverðtryggð bréf til 5 ára (OMXI5YNI) hækkuðu um 0,10%.
Vísitala neysluverðs var birt í lok síðasta mánaðar og hafði gildi hennar lækkað um 0,66% frá mánuðinum á undan. Lækkunin var töluvert umfram væntingar og lækkuðu verðtryggð skuldabréf í verði í kjölfarið en hækkuðu á ný undir vikulokin.
Frá áramótum hafa verðtryggð skuldabréf til 10 ára hækkað um 8,23%, verðtryggð bréf til 5 ára hafa hækkað um 5,5% og óverðtryggð bréf til 5 ára um 15,4%. Ávöxtun ríkisskuldabréfa hefur því verið mjög góð það sem af er ári.
Innlend hlutabréf
Gengi OMXI6ISK vísitölunnar stóð nánast í stað í síðustu viku í mjög lítilli veltu. Einungis voru viðskipti með tvö af sex félögum vísitölunnar.
Heildarveltan var tæpar 54 milljónir, sem skiptist til helminga á milli Össurar og Marels.
Icelandair Group sem hafði fyrirhugað að birta uppgjör sitt fyrir annan ársfjórðung og fyrstu 6 mánuði ársins 2010 í síðustu viku tilkynnti um seinkun á því um eina viku.
| Félög/vísitala | Lokagildi | Vika | 1 mán | 3 mán | 6 mán | Frá áram. | 12 mán |
| BNORDIK | 144,00 | 0,00% | 0,00% | -10,00% | 5,49% | 11,20% | 21,52% |
| FO-ATLA | 142,00 | 0,00% | 5,19% | -12,07% | -11,25% | -11,25% | -49,94% |
| FO-EIK | 84,00 | 0,00% | 6,33% | -0,59% | 2,44% | 5,00% | -2,33% |
| ICEAIR | 3,40 | 0,00% | -2,86% | 9,68% | 17,24% | -6,85% | -22,73% |
| MARL | 90,70 | -0,33% | -1,10% | 4,98% | 56,65% | 45,35% | 74,09% |
| OSSR | 196,50 | 0,00% | 5,93% | 6,22% | 23,20% | 27,18% | 74,67% |
| OMXI6ISK | 935,27 | -0,23% | 3,04% | -0,85% | 13,90% | 14,76% | 25,86% |
(Nasdaq OMX Nordic, 9. ágúst 2010)
Erlend hlutabréf
Töluverð hækkun var á helstu hlutabréfavísitölum í síðustu viku. Heimsvísitalan MSCI World Index, hækkaði um 2,51%, S&P 500 hækkaði um 1,87%, CAC í Frakklandi um 2% og Hang Seng í Kína um 3,09%.
Júlí var almennt góður mánuður á hlutabréfamarkaði og hækkaði S&P 500 hlutabréfavísitalan um 6,9% og MSCI heimsvísitalan um 8% í mánuðinum.
Hlutabréfaverð lækkaði þó almennt á föstudaginn meðal
annars vegna hagtalna frá Bandaríkjunum um atvinnumál. Atvinnuleysi mældist óbreytt í júlí eða 9,5%
en störfum hafði óvænt fækkað um 131.000.
| Vísitölur | Lokagildi | Vika | 1 mán | 3 mán | 6 mán | Frá áram. | 12 mán |
| Heimsvísitala (MSCI) | 1153,0 | 2,51% | 5,57% | 4,80% | 4,65% | -1,38% | 8,38% |
| Þýskaland (DAX) | 6259,6 | 1,82% | 4,50% | 10,90% | 15,28% | 6,39% | 16,11% |
| Bretland (FTSE) | 5332,4 | 1,67% | 5,27% | 5,47% | 5,70% | -0,17% | 14,20% |
| Frakkland (CAC) | 3716,1 | 2,00% | 6,14% | 11,21% | 4,43% | -4,15% | 7,15% |
| Bandaríkin (Dow Jones) | 10653,6 | 1,90% | 4,47% | 2,63% | 5,91% | 2,16% | 13,70% |
| Bandaríkin (Nasdaq) | 1902,9 | 2,13% | 4,85% | 2,89% | 8,50% | 2,29% | 17,50% |
| Bandaríkin (S&P 500) | 1121,6 | 1,87% | 4,05% | 0,97% | 4,78% | 0,59% | 11,00% |
| Japan (Nikkei) | 9642,1 | 1,10% | -0,13% | -7,64% | -3,63% | -9,23% | -8,06% |
| Samnorræn (VINX) | 92,5 | 2,30% | 6,21% | 13,35% | 16,03% | 16,90% | 28,33% |
| Svíþjóð (OMXS30) | 1065,2 | 1,77% | 4,47% | 13,71% | 13,68% | 12,85% | 20,38% |
| Noregur (OBX) | 343,1 | 4,69% | 7,91% | 8,30% | 7,78% | 1,44% | 25,53% |
| Finnland (OMXH25) | 2295,4 | 2,85% | 7,70% | 16,05% | 16,29% | 14,25% | 27,98% |
| Danmörk (OMXC20) | 419,5 | 2,11% | 4,39% | 14,37% | 21,71% | 26,06% | 31,41% |
(Verðbreyting í viðkomandi mynt, Bloomberg, 9. ágúst 2010)
Krónan
Gengi krónunnar hélt áfram að styrkjast í vikunni. Gengisvísitalan endaði í 209,36 stigum og lækkaði um 0,79% í vikunni. Reikna má með að sumarleyfi í júlí mánuði hafi haft áhrif á millibankamarkað með gjaldeyrir, en velta hefur verið mjög lítil undanfarnar vikur.
Í júlí nam heildarvelta 629 milljónum, og minnkaði um 312 milljónir frá því í júní. Greinilegt er þó að krónan er í styrkingarfasa og frá áramótum hefur gengisvísitala krónunnar lækkað um 10,07% og krónan styrkst sem því nemur.
Þessi þróun ásamt hjöðnun verðbólgu styrkir þá skoðun að peningastefnunefnd Seðlabankans muni á næsta vaxtaákvörðunardegi, 18. ágúst n.k., tilkynna um lækkun stýrivaxta.
| Vísitala | Lokagildi | Vika | 1 mán | 3 mán | 6 mán | Frá áram. | 12 mán |
| GVT ISK | 209,36 | -0,79% | -1,67% | -4,46% | -9,29% | -10,07% | -9,87% |
(Gengisvísitala krónunnar, Bloomberg, 9. ágúst 2010)
Fyrirvari
Markaðsfréttir Íslenskra verðbréfa eru unnar af starfsmönnum Íslenskra verðbréfa hf. Þær eru stutt samantekt og ber ekki að líta svo á að í þeim sé að finna allar tiltækar upplýsingar um þau viðfangsefni sem til umfjöllunar eru.
Við vinnslu fréttanna er stuðst við innlendar og erlendar upplýsinga- og fréttaveitur sem taldar eru áreiðanlegar, en einnig við opinberar upplýsingar, eigin úrvinnslu og mat starfsmanna á hverjum tíma. Íslensk verðbréf hf. ábyrgjast þó ekki nákvæmni upplýsinganna, áreiðanleika eða réttmæti þeirra.
Markaðsfréttirnar eru einungis birtar í upplýsingaskyni og skal því ekki litið á þær sem ráðleggingu/ráðgjöf um að ráðast eða ráðast ekki í tiltekna fjárfestingu eða tilboð um að kaupa, selja eða skrá sig fyrir tilteknum fjármálagerningum.
Ábyrgðarmaður Vikulegra markaðsfrétta Íslenskra verðbréfa er Björn Snær Guðbrandsson, forstöðumaður eignastýringar.