Verðtryggð skuldabréf hækkuðu um 1,5% í vikunni og óverðtryggð skuldabréf um 1,1%. Öll ríkistryggð skuldabréf hækkuðu í verði. Dómur hæstaréttar um lögmæti gengistryggðra lána jók á óvissu um stöðu bankanna og virðist sem fjárfestar séu að færa sig úr innlánum yfir í ríkistryggð skuldabréf.
Ávöxtunarkrafa allra íbúðabréfa er nú komin undir 3,5%, sem er oft talin vera neðstu mörk hennar. Í lok vikunnar var ávöxtunarkrafan um 3,3% á öllum flokkum, en rétt undir 3% á stystu bréfunum. Erfitt er að spá í framhaldið, markaðurinn einkennist af óvissu um stöðu bankanna og aukinni ásókn í ríkistryggðar eignir.
OMXI6ISK vísitalan lækkaði um tæpt prósent í síðustu viku og nam veltan rétt um 171 milljón sem er um helmingi minni velta en hefur verið að meðaltali á viku frá áramótum.
Mesta veltan var með bréf Marels fyrir 112 milljónir og Össurar fyrir 48 milljónir.
Af fréttum bar hæst fjárfesting Framtakssjóðs Íslands og Lífeyrissjóðs verzlunarmanna í Icelandair Group. Framtakssjóðurinn gerði bindandi samkomulag við félagið um kaup á 1,2 milljörðum nýrra hluta á genginu 2,5 og er fjárfestingin því um 3 milljarðar króna.
Lífeyrissjóður
verzlunarmanna gerði sambærilegt samkomulag og framtakssjóðurinn um
fjárfestingu fyrir 1 milljarð og eignast þar með 12% hlut í félaginu. Þar með
er Icelandair Group búið að safna 4 milljörðum af þeim 5 sem ætlunin var að
safna með útgáfu nýrra hluta. Búast má við að almenningi verði gefinn kostur á
að taka þátt í hlutafjárútboði félagsins síðar á árinu.
Félög/vísitala | Lokagildi | Vika | 1 mán | 3 mán | 6 mán | Frá áram. | 12 mán |
BNORDIK | 147,00 | -2,00% | -3,29% | -7,55% | 14,84% | 13,51% | 20,00% |
FO-AIR | 122,00 | -4,69% | -3,94% | -7,58% | -13,48% | -13,48% | -25,61% |
FO-ATLA | 154,00 | 0,00% | -4,64% | -5,52% | 0,98% | -3,75% | -51,87% |
ICEAIR | 3,10 | 0,00% | 0,00% | 6,90% | -15,07% | -15,07% | -34,74% |
MARL | 85,50 | 1,18% | 11,04% | 9,90% | 37,90% | 37,02% | 60,11% |
OSSR | 180,00 | -1,91% | 2,27% | -1,64% | 20,81% | 16,50% | 62,90% |
OMXI6ISK | 895,76 | -0,84% | 1,73% | -4,42% | 11,95% | 9,91% | 20,97% |
(Nasdaq OMX Nordic, 14. júní 2010)
Töluverð hækkun var á helstu hlutabréfamörkuðum í síðustu viku. Í Bandaríkjunum hækkaði S&P500 um 2,4%, en Nasdaq og Nikkei í Japan hækkuðu bæði um 3,0%. Heimsvísitala MSCI hækkaði um 3,2%.
Dow Jones
hlutabréfavísitalan hefur nú hækkað um 5,2% síðustu tvær vikurnar eftir að hafa
lækkað um rúm 10% frá því í byrjun maí til 7. júní. Velta fjárfestar nú fyrir sér hvort
hlutabréfaverð hafi náð lágmarki í bili og hvort von sé á frekari hækkunum.
Tæknigreining bendir til þess að vísitalan muni halda áfram að hækka og að lækkunin hafi verið leiðrétting sökum væntinga um minni hagvöxt á heimsvísu.
Margir fjárfestar eiga þó von á sveiflum á hlutabréfaverði eitthvað áfram og bíða nú eftir afkomutölum hlutafélaga fyrir fyrstu 6 mánuði ársins 2010
Vísitölur | Lokagildi | Vika | 1 mán | 3 mán | 6 mán | Frá áram. | 12 mán |
Heimsvísitala (MSCI) | 1112,8 | 3,24% | 3,89% | -6,33% | -3,50% | -4,55% | 15,60% |
Þýskaland (DAX) | 6217,0 | 2,80% | 7,98% | 5,21% | 6,13% | 5,66% | 30,06% |
Bretland (FTSE) | 5250,8 | 1,71% | 4,79% | -6,10% | 0,22% | -1,98% | 22,08% |
Frakkland (CAC) | 3687,2 | 3,94% | 9,14% | -4,61% | -3,30% | -4,87% | 16,24% |
Bandaríkin (Dow Jones) | 10450,6 | 2,36% | 2,52% | -2,71% | 0,35% | 0,22% | 22,38% |
Bandaríkin (Nasdaq) | 2309,8 | 2,95% | 3,62% | -2,72% | 3,22% | 1,79% | 26,39% |
Bandaríkin (S&P 500) | 1117,5 | 2,39% | 2,74% | -3,65% | 0,31% | 0,22% | 21,31% |
Japan (Nikkei) | 9995,0 | 2,99% | 4,63% | -5,42% | 0,54% | -2,92% | 4,62% |
Samnorræn (VINX) | 90,8 | 2,82% | 11,71% | 2,64% | 17,36% | 15,05% | 43,74% |
Svíþjóð (OMXS30) | 1054,6 | 3,77% | 11,45% | 4,19% | 12,09% | 11,69% | 36,62% |
Noregur (OBX) | 330,1 | 2,09% | 7,32% | 0,59% | -0,39% | -0,71% | 28,88% |
Finnland (OMXH25) | 2224,1 | 2,34% | 10,11% | 1,33% | 13,89% | 10,37% | 41,60% |
Danmörk (OMXC20) | 417,2 | 3,73% | 12,05% | 10,93% | 27,09% | 25,10% | 43,67% |
(Verðbreyting í viðkomandi mynt, Bloomberg, 21. júní 2010)
Krónan styrktist í liðinni viku og lækkaði gengisvísitalan um 0,4% og endaði í 213,1 stigi samkvæmt opinberu viðmiðunargengi Seðlabanka Íslands. Í vikunni (16. júní) tilkynnti Seðlabankinn að Ríkissjóður Íslands væri reiðubúinn að kaupa EUR skuldabréf útgefnum af ríkissjóði fyrir allt að 300 milljónir evra. Bréfin eru á gjalddaga árin 2011 og 2012.
Krafa á flokknum sem
er á gjalddaga 2011 lækkaði við tilkynninguna og stendur í rétt tæpum 7% og
hefur lækkað úr rúmum 9% síðastliðna 3 mánuði. Bréfið ber 3,75% vexti og því
mun ríkissjóður að öllum líkindum gera góð kaup í formi affalla af bréfunum.
Einnig
mun hann fá 3,75% vexti af bréfinu sem er mun hærra en Seðlabankinn fær á innistæður
í evrum. Um mjög jákvætt skref er að ræða og mun það leiða til aukins trausts á
íslenskt efnahagslíf.
Vísitala | Lokagildi | Vika | 1 mán | 3 mán | 6 mán | Frá áram. | 12 mán |
GVT ISK | 213,06 | -0,41% | -1,14% | -5,29% | -9,42% | -8,48% | -7,13% |
(Verðbreyting í viðkomandi mynt, Bloomberg, 21. júní 2010)
Markaðsfréttir Íslenskra verðbréfa eru unnar af starfsmönnum Íslenskra verðbréfa hf. Þær eru stutt samantekt og ber ekki að líta svo á að í þeim sé að finna allar tiltækar upplýsingar um þau viðfangsefni sem til umfjöllunar eru.
Við vinnslu fréttanna er stuðst við innlendar og erlendar upplýsinga- og fréttaveitur sem taldar eru áreiðanlegar, en einnig við opinberar upplýsingar, eigin úrvinnslu og mat starfsmanna á hverjum tíma. Íslensk verðbréf hf. ábyrgjast þó ekki nákvæmni upplýsinganna, áreiðanleika eða réttmæti þeirra.
Markaðsfréttirnar eru einungis birtar í upplýsingaskyni og skal því ekki litið á þær sem ráðleggingu/ráðgjöf um að ráðast eða ráðast ekki í tiltekna fjárfestingu eða tilboð um að kaupa, selja eða skrá sig fyrir tilteknum fjármálagerningum.
Ábyrgðarmaður Vikulegra markaðsfrétta Íslenskra verðbréfa er Björn Snær Guðbrandsson, forstöðumaður eignastýringar.