Löng verðtryggð skuldabréf lækkuðu um 1,33% í vikunni og stutt verðtryggð bréf lækkuðu um 0,30%. Löng óverðtryggð bréf hækkuðu um 0,24%.
Í vikunni voru birtar verðbólgutölur og mældist verðlagshækkunin 0,55% sem er að mestu komin til vegna útsöluloka og hækkunar á eldsneytisverði. Á móti kom lækkun á fasteignaliðnum. Þetta verðbólguskrið er í neðri mörkum þess sem almennt var reiknað með og því ekki óeðlilegt að verðtryggð bréf væru seld.
Flestir reikna með að frekar lítill verðbólgumatur
sé eftir og því verði ekki miklar verðlagshækkanir á næstu mánuðum. Helstu
verðbólguvaldar síðustu ár eru annars vegar fasteignaliðurinn og hins vegar
þróun á gengi krónunnar.
Það hefur hins vegar orðið viðsnúningur á þessum liðum.
Krónan hefur styrkst síðustu mánuði og fasteignaverð er á niðurleið. Til
viðbótar hafa vextir farið lækkandi og skattaáhrifin eru að baki. Þetta hefur
orðið til þess að vaxtamunur verðtryggðra og óverðtryggðra bréfa
(verðbólguálagið) hefur farið lækkandi.
OMXI6ISK vísitalan hækkaði um 2,29%
í síðustu viku og var heildarveltan 424 milljónir. Í vikunni var mest velta með
Færeyjabanka fyrir um 340 milljónir.
Frekar lítil velta var með íslensku félögin Marel og Össur sem öllu jöfnu hafa haldið veltunni uppi. Mesta hækkunin var á bréfum Össurar 4,1% og fór gengið yfir 190 og hefur aldrei verið hærra. Hækkun síðastliðna 12 mánuði nemur 115%.
Hilda hf (Saga Capital) hefur á síðustu vikum minnkað hlut sinn í Færeyjabanka en frá áramótum hefur hlutur félagsins farið úr 7,72% og niður í 4,55%. Andvirði seldra bréfa nemur um 1,3 milljörðum.
Hluthafafundur var haldinn í Bakkavör þann 26. mars þar sem samþykkt var að sækja um afskráningu bréfa félagsins úr Kauphöll, að afskráningu lokinni verður félaginu breytt í einkahlutafélag.
Félög/vísitala | Lokagildi | Vika | 1 mán | 3 mán | 6 mán | Frá áram. | 12 mán |
Bakkavör | 1,5 | 0,00% | -11,76% | -23,08% | -14,29% | -25,00% | 7,91% |
FO-AIR | 132 | 0,00% | -6,38% | -6,38% | -10,20% | -6,38% | -22,81% |
FO-ATLA | 163 | -2,15% | 4,25% | -0,31% | -31,90% | -0,31% | -7,01% |
FO-BANK | 160 | 0,63% | 6,67% | 23,55% | 12,68% | 23,55% | 33,33% |
Marel | 79,5 | 2,19% | 13,57% | 28,02% | 26,19% | 27,40% | 75,30% |
Össur | 190,5 | 4,10% | 13,06% | 27,42% | 54,88% | 23,30% | 115,25% |
OMXI6ISK | 958,64 | 2,29% | 9,04% | 19,05% | 18,54% | 17,63% | 51,35% |
(Nasdaq OMX Nordic, 29. mars 2010)
Hlutabréfaverð hélt áfram að hækka þessa vikuna og hafa allar helstu
hlutabréfavísitölur heims hækkað á þessu ári. Hækkanir á hlutabréfaverði
síðustu 12 mánuði hafa verið miklar og hafa helstu vísitölur heims hækkað um og
yfir 50%. Af þróuðum mörkuðum hafa Norðurlöndin skilað hæstri ávöxtun.
Kínverska félagið Zhejiang Geely Holding hefur gengið frá kaupum á sænska fólksbílaframleiðandanum Volvo. Kínverjar munu eflaust sækja fram af auknum krafti á bílamarkaðinum og eru þessi kaup trúlega liður í því afla sér aukinnar þekkingar á því sviði.
Þýskaland hefur fallist á að veita Grikklandi aðstoð
og er talið að margra milljarða evra skuldabréfaútgáfa Grikklands í þessari
viku sé liður í þeirri áætlun. Mjög mikilvægt er fyrir hlutabréfamarkaði í
Evrópu að óvissunni sé eytt en óvissan hefur þau áhrif að fjármunir leita úr
evrunni og einnig evrópska hlutabréfamarkaðinum.
Hins vegar munu vandræði einstakra ríkja Evrópusambandsins á endanum leiða til minnkunar á sameiginlegum innri markaði sem mun aftur hafa áhrif á neyslu og fjárfestingu.
Vísitölur | Lokagildi | Vika | 1 mán | 3 mán | 6 mán | Frá áram. | 12 mán |
Heimsvísitala (MSCI) | 1192 | 0,26% | 5,30% | 1,31% | 6,03% | 2,13% | 44,71% |
Þýskaland (DAX) | 6120 | 2,30% | 10,25% | 2,67% | 8,03% | 3,61% | 46,83% |
Bretland (FTSE) | 5703 | 0,98% | 7,04% | 5,40% | 11,08% | 5,89% | 47,00% |
Frakkland (CAC) | 3989 | 1,62% | 8,33% | 1,46% | 5,34% | 2,07% | 41,44% |
Bandaríkin (Dow Jones) | 10850 | 1,01% | 5,09% | 2,89% | 11,37% | 4,05% | 39,53% |
Bandaríkin (Nasdaq) | 1953 | 1,05% | 7,37% | 4,31% | 13,68% | 4,96% | 56,03% |
Bandaríkin (S&P 500) | 1167 | 0,59% | 5,62% | 3,59% | 9,99% | 4,62% | 42,97% |
Japan (Nikkei) | 10996 | 1,59% | 8,50% | 3,28% | 8,77% | 4,17% | 27,35% |
Samnorræn (VINX) | 91 | 1,60% | 8,86% | 13,22% | 19,22% | 13,48% | 70,38% |
Svíþjóð (OMXS30) | 1027 | 1,08% | 9,06% | 6,98% | 14,45% | 8,57% | 57,61% |
Noregur (OBX) | 339 | 1,26% | 7,23% | -0,69% | 16,57% | 0,35% | 62,96% |
Finnland (OMXH25) | 2275 | 4,05% | 10,23% | 12,63% | 17,57% | 12,36% | 74,10% |
Danmörk (OMXC20) | 385 | 1,99% | 8,56% | 14,53% | 15,07% | 14,39% | 65,66% |
(Bloomberg, 29. mars 2010)
Krónan veiktist í liðinni viku og lækkaði gengisvísitalan um 0,70% skv.
opinberu viðmiðunargengi SÍ og endaði í 228,62 stigum. Þrátt fyrir veikingu
þessa vikuna er krónan í styrkingarfasa.
Seðlabanki Íslands hefur nýtt sér aðstæður á markaði til að kaupa
skuldabréf í evrum, gefin út af ríkissjóði Íslands á mun hærri ávöxtunarkröfu
en nafnvextir bréfanna segja til um.
Ávöxtunarkrafan á bréfinu sem eru á
gjalddaga 1. desember 2011 hefur undanfarið verið rúm 9% en bréfið ber 3,75%
vexti. Þetta hefur þau áhrif að seðlabankinn er að greiða minna fyrir bréfin
þegar þau eru keypt en greiða þarf fyrir þau á gjalddaga.
Einnig fær
seðlabankinn vaxtatekjur af þeim bréfum sem hann kaupir, en þær eru mun hærri
en bankanum stendur til boða á innstæðum í evrum.
Seðlabankinn íhugar frekari kaup og er það jákvætt, horft til áðurnefndra
þátta. Á hinn bóginn ganga þessar fjárfestingar á gjaldeyrisforðann og því eru
takmörk fyrir því hversu stórtækur seðlabankinn getur verið, sérstaklega ef
ríkissjóður fær ekki frekari fjármögnun.
Vísitala | Lokagildi | Vika | 1 mán | 3 mán | 6 mán | Frá áram. | 12 mán |
GVT ISK | 228,62 | 0,70% | -0,81% | -2,35% | -2,39% | -2,48% | 8,57% |
(Bloomberg, 29. mars 2010)
Markaðsfréttir Íslenskra verðbréfa eru unnar af starfsmönnum
Íslenskra verðbréfa hf. Þær eru stutt samantekt og ber ekki að líta svo
á að í þeim sé að finna allar tiltækar upplýsingar um þau viðfangsefni
sem til umfjöllunar eru.
Við vinnslu fréttanna er stuðst við innlendar og erlendar
upplýsinga- og fréttaveitur sem taldar eru áreiðanlegar, en einnig við
opinberar upplýsingar, eigin úrvinnslu og mat starfsmanna á hverjum
tíma. Íslensk verðbréf hf. ábyrgjast þó ekki nákvæmni upplýsinganna,
áreiðanleika eða réttmæti þeirra.
Markaðsfréttirnar eru einungis birtar í upplýsingaskyni og skal því ekki litið á þær sem ráðleggingu/ráðgjöf um að ráðast eða ráðast ekki í tiltekna fjárfestingu eða tilboð um að kaupa, selja eða skrá sig fyrir tilteknum fjármálagerningum.
Ábyrgðarmaður Vikulegra markaðsfrétta Íslenskra verðbréfa er Björn Snær Guðbrandsson, forstöðumaður eignastýringar.