Fjárfesting í sjóðnum hentar einstaklingum, fyrirtækjum og fagfjárfestum sem vilja nýta sér kosti sjóðaformsins, eru að fjárfesta til langs tíma og leita eftir virkri dreifingu og hreyfingum á milli eignaflokka, eignamarkaða og markaðssvæða, erlendum fjárfestingum og virkri stýringu.

Sjóðurinn er fyrstur í röðinni í Eignasafnalínu ÍV og ÍV sjóða þar sem hann flokkast sem áhættuminnstur mv. fjárfestingarheimildir, undirliggjandi eignir og virkni. Sjóðurinn fjárfestir eingöngu í innlendum og erlendum skuldabréfum og innlánum og ber því lægstu áhættu sjóða í línunni og hefur takmarkaðar verðhreyfingar og flökt miðað við aðra sjóði sem fjárfesta einnig í áhættumeiri eignaflokkum.

Eignum og eignasamsetningu er stýrt með virkum hætti af sérfræðingum í eignastýringarteymi sjóðsins sem taka mið af markaðs- og efnahagsaðstæðum hverju sinni. Þótt áhætta sé lág getur ávöxtun sveiflast og því er mikilvægt að ekki sé horft til mjög skamms tíma við mat á árangri.

Sjóðurinn hentar vel fyrir þá sem fjárfesta með reglubundnum hætti, t.d með reglulegri áskrift.

Sjóðurinn er verðréfasjóður á hlutdeildarformi í rekstri ÍV sjóða hf. undir eftirliti Fjármálaeftirlits Seðlabanka Íslands skv. lögum nr. 128/2011 og lögformlegt heiti hans er ÍV Eignasafni I.