Fyrir hvern er sjóðurinn?

Sjóðurinn hentar einstaklingum og lögaðilum, svo sem fyrirtækjum, fagfjárfestum og stofnunum sem kjósa að fjárfesta í verðbréfasjóðum sem hafa það eingöngu að markmiði að veita viðtöku fjár til sameiginlegrar fjárfestingar í tilteknum eignaflokki og dreifa eignum í samhengi við vænta ávöxtun og áhættu samkvæmt fyrir fram kunngerðri fjárfestingarstefnu. Sjóðurinn hentar aðilum sem fjárfesta til langs tíma og leita eftir virkri stýringu eignasafns, örum viðskiptum með eignir og hreyfingum innan eignamarkaða og markaðssvæða.

Eignasafni sjóðsins er stýrt með virkum hætti og sveiflur í verðmæti undirliggjandi eigna geta verið miklar. Eignarhlutdeild í verðbréfasjóðnum getur þannig rýrnað, aukist eða staðið í stað, allt eftir gengi og markaðsvirði undirliggjandi verðbréfa sem sjóðnum er heimilt að fjárfesta í samkvæmt fjárfestingarstefnu sinni.

Markmið og fjárfestingarstefna

Markmið sjóðsins er að veita hlutdeildarskírteinishöfum ávöxtunartækifæri í gegnum safn skuldabréfa á heimsvísu. Sjóðurinn fjárfestir í eignum sem skráðar eru á skipulagðan verðbréfamarkað eða eignum sem hafa virka daglega verðmyndun. Safn skuldabréfa getur innihaldið, svo sem en ekki tæmandi, eignir sem skráðar eru á mismunandi markaði, í mismunand löndum og í mismunandi mynt. Áhersla er lögð á seljanleika og gæði eigna í samhengi við áhættu..

Sjóðurinn ávaxtar fjármuni hlutdeildarskírteinishafa að meginstefnu með beinni fjárfestingu í skuldabréfum á heimsvísu, verðbréfum, og peningamarkaðsbréfum. Sjóðurinn hefur heimild til að fjárfesta í öðrum sjóðum, en að mjög takmörkuðu leiti (hámark 10%). Eignir eru skráðar á skipulagðan verbréfamarkað eða hafa daglega verðmyndun.