ÍV Alþjóðlegur hlutabréfasjóður

Markmið sjóðsins er að ná góðri ávöxtun og tryggja áhættudreifingu með því að fylgja fyrirfram ákveðinni aðferðafræði við samsetningu á eignasafni sjóðsins.

Sjóðurinn leitast við að fjárfesta í þeim 100 hlutabréfum sem hafa mest vægi miðað við markaðsvirði í MSCI All Country World Index (MSCI ACWI). Aðferðafræðin byggir á því að sjóðurinn fjárfestir skilyrðislaust í jöfnum hlutföllum í þessum 100 hlutabréfum. Samkvæmt þessu mun sjóðurinn fjárfesta um það bil 1,0% af heildareignum sínum í hlutabréfum hvers félags.

Markmið aðferðafræðinnar er tvíþætt: annars vegar að tryggja góða áhættudreifingu og hins vegar að auka hlutfallslegt vægi minni félaga í vísitölunni á kostnað þeirra stærri. 

Samsetning eignasafnsins er endurstillt mánaðarlega, miðað við stöðu á síðasta virka degi hvers mánaðar.